Se yon mizik ki nan kategori mizik Sosyal, yon kategori ki pale de vi a ak fason moun viv li pandan lap montre fason moun kin nan sitiyasyon moun ki pi ba yo ap viv. Se yon mizik ki pale de vi a ki pa janm fè moun kado. Se souvan saw fè se li w wè. Se yon mizik ki ankouraje moun travay ,Li ankouraje moun ale lekol paske selon atis la se sèl sa ki ka fè moun baw enpòtans ou. Li kontinye pou l di depi w gen souf ou ka lite.
Se yon Mizik ki gen de Rapè sou li ak yon moun ki fè RnB . Mizik la dire 3 :48 . Jou’k Lavi Banm Do gen deux verse ak yon exit verse. Premye verse la dire 16 bars, dezyem nan dire 20 epi exit verse la dire 4 bars. Mizik la komanse avek yon intro , apre sa nou jwenn Premye verse la ke D-Master pran san l pou l eksplike tout kondisyon ki ka prezante devan yon moun . li ankouraje nou pou nou pasyan epi tann vi a paske se sèl fason pou nou rive jwenn yon chans nan vi sa lè nou pa gen tout bagaj yo nan men nou. Atis la komanse konsa :
Eske gen yon moun isi ki ka Dim sa map fè Isi
Paske depi egzistans mwen map pase yon peripesi
Eske mal gran paran m map peye ou kou se la modestie
Eske se la nati ki pa chwazi nan mwen envesti
Se konsa atis la chwazi komanse pou li montre malgre tout bagay li fè pou li te ka byen komanse, malgre egzijans paran l te fè lavi a konn souvan pa ba li bon jan. Li kontinye pou l di :
Jouk kilè lanmò pou nou ap sispann yon delivrans vre
Se lavi nan patipri abon ll son penitans vre
Genyen ki prefere soufri , Mouri Penitansye
Mwen tout tanm konnen m gen souf , m fenk kare fè rezitans vre
Se konsa atis la pase sou premye verse mizik la kote l pale de anpil move lavi kap pase nan peyi Dayiti. Touswit apre premye verse la nou jwenn refren an ki di konsa :
Lavi pa janmen fè w kado
Met tèt sou de zepòl ou gon sè vo
Ediksasyon lekòl pwouve sa w vo
Yo di wap mouri pòv pwouve saw vo
D-Master kontinye nan dezyèm verse la pou l montre malgre tout difikilte w ka jwenn ou oblije rete soude a rèv ou kanmenm yon jou wap rive . nan mitan dezyèm verse la li di :
Pa etone siw wè pwòp fanmiw vin trèt ou
Pa detone siw wè ougan vin prèt pou ou
Pa tiye tèt ou pou piman pou lè pwav bon mache
Pou w ka jwil ak bon pri jou fèt ou .
Li montre tou nan chèche lavi , nou ka jwenn tout kalite sipriz ak move òf lè sa se nou i konn kiyès nou ye e kisa nou sipoze :
Pa gen lontan m tal dèyè yon job sekretè
Poutèt m pa vle koubi do m, boss la dim al sekle tè
Ka se petèt, pou li job sa ka pa nivo m
Men eske 16 zan lekòl se 16 zan bò kanivo.
Sèl sa m ka di raj pa sedwi lèv mwen
Laj pap detwi rèv mwen
M pè sam fè , M pa pè sam pa fè m pa janm annafè
Pou lè verite pou rimè pa devni rèv mwen
You toujou di kote gen chèn pa gen kou pam
Apre yo di pa gen pèn san sekou pam
Apre ti sekous pam, di eske se kou pam
Paske avan lanmò m beleive pou m jwenn yon jou pam
Se konsa D-Master Swaggy Boy fini 2e verse la , e touswit nou jwenn refren an. Apre refren an nou jwenn ti exit verse la ke K-B fè ki dire sèlman 4 bars :
Pap janm bay vag Goumen petit a petit
Tinèg toujou tretew kouman pouw pèdi apeti
Met tèt ou dwat devan tifrè pa janm pèdi sa pèp di
Pèdi tout saw genyen rekomanse sak pèdi a pèdi
Se konsa K-B pase e touswit nou jwenn refren mizik la.
Nap raple se yon mizik ki respekte preske tout règ nnan fason pou moun ekri yo. Se yon mizik majorite rim ladan l pou nou pa di tout se rim ki chita sou plizye vè. Se yon mizik i pa trò mal travay si nou gade fason beat ak pawòl yo travay. Se yon mizik ki gen anpil bon mesaj . refren mizik la leve mizik la anpil. Gen anpil pawòl ak eksperyans ki pwòp a reyalite nou nan peyi dayiti. Kalite son an pa trò mal. Siw pa ko koute mizik sa mwen ankourajew fe sa koulyea sou link sa
https://dynastyhaiti.com/jouk-lavi-banm-do-d-master-swaggy-boy-ft-franco-love-federo-k-b/
Nap ankourajew ankouraje atis ki pa ko konfime yo paske yo se moun kap pran relèv la. Dynasty Fè eksperyans lan, si se pou talan nap jwenn anpil jèn . li sifi ankadre yo epi nap jwenn sa nap chache a
