Se mizik ki rasanble 3 jèn rapè ke anpil moun di ki nan elit mouvman sa. Mizik la rele BMW se paske yo fèl tankou yon Sig. B a se pou premye lèt ki nan Baky a, M nan se pou Mèt mizik la ki se Mechans-T epi nou déjà wè W a se pou Wendy Traka. Se yon Mizik ki nan kategori Egotrip ki mete atis yo an valè . BMW se yon mizik ki fèt jis pou Montre ke talan atis yo. Nou ka di se yon Mizik ki plis montre Street hardcore Skills yo.
3 rapè fè BMW. Se yon Mizik ki gen 3 verses sou li. 2 premye bars yo se 16 bars epi denye a selman gen 12 bars. Mizik la komans ak Intro a ke Mechanste fè ak refren an ke Baky mete kèk akonpayman ladanl. Touswit nou jwenn Baky ki komanse premye Verse la ak yon 16 bars. Apre nou jwenn refren an ke Mechans-T akonpaye tou . Apre refren , nou jwenn Mechans-T pou 2e verse la ki dire 16 bars. Apre verse mechans-T a , nou jwenn refren an ke fwa sa Wendy Akonpaye ke touswit nou jwenn denye verse la ki dire 12 bars. Apre sa nou jwenn Outro a ke Mechans-T fè . Se yon mizik ki plen Jeu de mots ak anpil figi estil nan pwezi. Se yon bomb lè nap gade kalite travay ki fèt sou mizik la.
Tankou nou te diw la, Mizik la komanse ak refren an ki di konsa :
Tout moun nèt atann kous la demare
Bagay a motè se pa pedale
[Map kraz’on beat nou pap jwenn ti rès anko] Baky voice
3 fokè ki vin ak bay ki pa bezwen repare.
[Se BMW BMW, Baky Mechanste Wendy Se Bmw] 2x
Apre sa Baky komanse verse li a ak yon Mechan Punch ki di konsa :
Pou Komanse map di de men anlè m killl Beat la e m pap ret la [Bowww]
Lem rale Plim pam ekate Paw [Bowww]
Sa se vrè hip hop se pa peta [Bowww]
Depiw tande [Gun Braking] konnen se bri bal se pa peta [Bowww]
Se konsa Baky komanse premye verse la. Nou ka konstate Atis la progrese anpil nan fason l depoze sou beat malgre nou déjà konnen atis la se yonn nan pi bon moun ki metrize fason yon ekri . Li pwouve yon lòt fwa ke li fè pati de jenerasyon ki gen meyè rapè. Nan komansman verse la li lage yon Punch pou rival li a lè li di : « Lèm rale plim pam ekate paw…. ». tout moun konnen déjà kiyès ki te gen plim pam déjà loll……. Atis la kontinye pou l di :
M fè min nèg rap yo fonse tou
[gen nèg ki pran devan][low voice] E byen se Dwam pou m Fonse tou
W’ ofanse tou , vin fè rim san fòse tou
[Oui, je te jure ce mec assume] [low voice] wèm pale Franse tou
Se konsa pwoteje RKM recorks lan pase e pwouve sa yo di de li yo nan nivo l vrèman . Pou fini, atis la fè yon 4 bars ki montre nan nivo l :
Popilè, Avègleman, Bat MC yo Bèteman
Chanje flo pi mal ke nèg kap chanje vèteman
Ret kònèkte nan, map bow sa kòm règleman
Rap kreyòl Hardcore Baky Kòrèkteman
Se konsa Baky pase , touswit nou jwenn refren an ke Mechans-T akonpaye:
Tout moun nèt atann kous la demare
Bagay a motè se pa pedale
[Banm fon poze pou montre kisak Hip Hop High Level] Mechans-T voice
3 fokè ki vin ak bay ki pa bezwen repare.
[Se BMW BMW, Baky Mechanste Wendy Se Bmw] 2x
Apre refren an , Nou jwenn Verse Mechans-T a ki di konsa:
Pèsòn pa konn anyen de mwen, gen sak di mwen son ti evade eeee eeeee
Map fè nou sòti de pa de eeeee eeee
Retade eee eee fon ti ret gade eee eee
Lèm pran rad fanm an nou pral mande pou fon ti ret a de eeeee
Bay kou na ta ta ta
Jistan kris pranm nigga, aku nama tata
Se konsa pwoteje winnaz la , yon atis pou nou komanse siveye. Paske se yon atis ki chaje talan malgre anpil moun pa ko konnen atis la vreman. Se preske nan menm nivo a Baky nou jwenn Mechans-T. yon atis nou komanse dekouvri depi 2012.
Touswit apre sa , nou jwenn refren an ke wendy Akonpaye :
Tout moun nèt atann kous la demare
Bagay a motè se pa pedale
[Gadon tenten mesye Ti gason se pwen w pran Vre] Wendy voice
3 fokè ki vin ak bay kip a bezwen repare.
[Se BMW BMW, Baky Mechanste Wendy Se Bmw] 2x
Koulyea nou rive nan denye Verse Wendy ke Anpil mount e anvi tande paske sa fè anpil tan fan li yo pat tande l sou yon nouvo projè. Li komanse konsa:
Li 2H .. M Demare ..sou Dezyèm .. Yo Detwi ..
Deja .. De qui? .. De W.E.N.Depi ..
Desanm .. 2010 .. Map Demistifye ..
Desann . Defye .. Deranje .. Demoli .. Demode . Menm a Demo .
A 2 Mots . M Demoralize .. Derespekte ..
Debat .. A Debri .. Debout .. Dead yo .. 2 pa 2 .. M Degrade ..
De Fòs .. M Depase .. Deplase .. Nan 2 pase .. M Deja pwouve .. M THe best..
Sa son travay fenomenal nou jwenn la, yon aliterasyon melanje ak yon ak yon asonans , se yon travay ke anpil moun pa ka fè paske li mande tan anpil ak atansyon. Si tèt ou pa bon ou pap ka rive nan nivo sa.li kontinye pou l di :
Ti nonm sa sot leogane a on BAKA SOU LI ( Hoho )
Siw pa TMG man ou PAKA SOU LI ( hoho )
Track la tou hit li gen TRAKA SOU LI ( hoho )
Kounyam gen dyare flo res beat la m pral K*K* SOU LI
Se nan pati sa nou rejwenn Atis la ak still li a .men se yon travay ki vrèman merrite felisite paske atis la kite fason li te konn poze sou beat yo ansanm ak tout jan li konn gate fanatik li yo. Nan mizik sa nou jwenn yon lòt Wendy.
lem gade BMW se yon mizik ke anpil moun ta sipoze tande e analize siw se moun ki renmen Mizik e sitou rapè ki di yo renmen Bèl vèsifikasyon. Se yon mizik anpil moun ta sipoze pran kòm model pou nivo mizik la. Siw poko Koutel map envite dekouvri l sou link sa
https://dynastyhaiti.com/bmw-baky-mechanste-wendyyy/
Nou swete gen plis mizik nan nivo sa nan ki pou redore blazon Rap la.
