Je l’ nan Je m’ se yon mizik ki pale de relasyon atis la genyen ak yon fi men li ap fè fi sa soufri. Malgre tout soufrans sa yo fi a ap sibi li deside rete an silans jis pou sove relasyon sa. Sitiyasion sa yo rive anpil fwa. Mizik la pale de lew ap twompe mennaj ou , madanm ou , mari w gen kèk fwa moun nan konn deside pa di anyen , li jis aksepte soufrans yo paske li renmen ou, li deside rete nan silans li jis pou sove relasyon an.
Je l’ nan Je m’ se yon melanj rap ak yon zouk ki vin bay mizik la yon koulè karayibeyen ki kapab rann mizik sa fasil pou moun kap viv nan Karayib la konsome l. Beat la vrèman bèl , Se yonn nan pi gwo cham mizik la ki fè anpil moun pa deranje koute mizik la kantite fwa yo kapab. Se yon mizik ki dire 3:55 ki nan kategori mizik love sou yon rit ki vrèman cho sa rann mizik la pi fasil pou moun nan club yo pran plezi ladan l’ tou. Li fèt ak de verses 12 bars rap ke P-Jay bay ak Sandro Martelly ki fè refren mizik lan ki vrèman antrenan .
Mizik la komanse avèk refren an ki dire 12 bars menm jan avèk verse yo . Sandro Martelly fè yon travay kolosal sou mizik sa. Pawòl yo vrèman senp e se sak tout atirans mizik sa:
Li konnen map fèl soufri
A chak fwa mwen ba l’ manti
A wi sa s’on gwo soufrans
Poutan l’ ret an silans [Repeat all]
Jel nan Je mwen [4x]
Touswit apre refren an nou jwenn P-Jay pou premye verse la ki dire 12 bars. Anpil bèl pawòl ki pwouve atis la toujou gen sekrè istwa ki pale de lanmou . li komanse konsa :
Koum Ouvri bouch mwen mwen wè je l’ nan je m’
San di yon mo mwen diw je l’ nan je m’
Pafwa kè mwen sote mwen santi l vle manje m’
M poze tèt mwen kesyon e si l’ ta vle vanje m’
Se ak santiman sa atis la komanse verse la pou l montre jan li konnen li gen tan e pafwa sa konn rive li pè li li anfas fi sa. Li kontinye pou l di :
Non se pa fòt li, men poutan se fòt pa m
Mwen konnen gen konsekans men map tann rekòt pam
Atis la konsyan ke sa lap fè yo pa bon . li menm atann ke vi a pa gen anyen ou fè sou tè sa pou w pa jwenn konsekans li vinn jwenn ou apre. Nan denye 4 bars yo li montre ke li konnen se chanje fi a vle chanje l sil montre l li pa konprann :
Li sou men l sak fèm diw je l’ nan je m’
Li refize kitem non li just vle chanje m’
Sinsèman wi map mennen yon lòt vi
Chak fwa m vire pou kòm konnenm pral jwenn yon lòt fi
Apre sa nou jwenn refren an ke Sandro fè epi apre refren an nou jwenn P-jay pou 2e verse la ki komanse konsa :
Poutan plen lòt gason k’anvi li
An menm tan plen lòt fi k’anvi li
Sak pran tan , liv roman sa yo anvi li
Li prefere soufri olye pou m pa nan vi li
Se yon fason pou atis la pwouve ke malgre tout bagay , tout tantasyon mennaj li jwenn , li rete atache a mennaj li jis pou l sove relasyon an. Li pa janm chanje, li pa neglije bay mennaj li afeksyon ke li merite :
Li pa neglije pou l’ banm ti afeksyon mwen
Li obeyi anba presyon mwen
Banm poze n’ pi gro kesyon mwen
Poukisa k’ renmen n se li menm nou maltrete
Siw jwenn lanmou lakay , pouki w vle al prete
Se sak fè maladi lanmou toujou mal trete
Se konsa atis la pase sou mizik la. Touswit apre verse la nou jwenn refren an. Nou jwenn yon bridge sandro fè ak P-Jay ki jis gen kèk rapèl ak pawòl refren an. Se yon bèl mizik ki senp nan nivo konpozisyon li pa gen anpil detay se sak fè li fasil pou nenpòt moun konprann mizik sa. Beat la se yon bon konpozisyon li mache avèk Pawòl yo avèk tandans kap mache nan mond lan. Siw ta renmen dekouvri mizik sa, just klike sou lyen sa
https://dynastyhaiti.com/jel-nan-jem-p-jay-ft-sandro-audio/
Ann ankouraje atis nou yo, paske se sel mwayen nou ka montre travay yap fè a pozitif.
