Kisa’k renmen se yonn nan pi bèl mizik ki sou album “M pap fè Back Ankò” de Toppy-X ki se yonn Nan rape gwoup Rockfam Lame a. Se yon mizik kote atis li eksplike yon istwa kap travèse anpil moun nan sosyete nap viv Jodi a. se yon mizik ki rakonte istwa yon Gason ki fè tout sa li kapab pou li fè mennaj li plezi men malgre tout bagay sa yo mennaj li pa janm bay bagay sa yo enpòtans. Fi tronpe l chak jou, li menm arive tronpel ak moun ki proch li. Se yon mizik ki montre ou ka fè tout saw fè pou yon fi depi l anvi tronpew lap tronpew kanmenm.
Kisak Renmen se yon mizik ki gen 2 verse ak yon refren ki repete 3 fwa ak yon Bridge. Mizik la se yon mizik ki komanse ak yon intro ki gen Mr Zomò kap fè kèk fredone avan refren an komanse sou 4 denye ba nan yon intro ki dire 8 bars. Touswit ou jwenn refren an ke toujou Mr zomò fè ki dire 8 bars. Apre refren an , nou jwenn Toppy-X nan premye verse li a ki dire 16 bars . Apre sa nou jwenn Mr Zomò ki tounen ak refren . Apre refren an nou Jwenn Toppy-X pou dezyèm verse li a ki dire 16 bars anko ki konplete avek yon Bridge ke Mr Zomò fe ki dire 8 bars. Touswit apre nou jwenn refren an ki konplete avek Outro mizik la ke Toppy fè ki dire 8 bars.
Apre nou fin wè koman eskelèt mizik la fèt annou rantre nan pawòl ki fè mizik la. Mizik la komanse vrèman ak refren an ke Mr Zomò fè ki di konsa :
“Bezwen konnen eskew konn sak renmen
Di mwen kijanw konprann mwen
Di mwen ki sam mankeeee ki fem pa ka gen w poukont mwen”
Apre refren an, nou jwenn premye verse toppy a ki gen anpil verite ki frappe anpil moun . atis la komanse konsa :
« Kisak Renmen pou ou mwen ta renmenw pale m eksplike m
Eske lanmou manifeste vre nan fon kèw pou mwen
Kisa k lanmou pou eske se lè wap fè tenten sou mwen
Trip ak tout nèg menm ak zanmim, fè tout moun lonje dwèt sou mwen »
Se konsa atis la komanse premye verse la kote la mande fi a kisa k renmen pou li. Se anpil bagay li mete an evidans ki atire anpil jenn fi nan moman sa , kotel lap enimere anpil detay fi a fè kote lap mande l eske se sak renmen. Li kontinye nan premye verse la pou l di sak lanmou pou li kote li di :
« Renmen pou mwen se senserite , bay atansyon, bay afeksyon ankadrew bay sekirite , baw vale w devan lasosyete
Renmen pou mwen pa gen enterè , antre nou pa dwe gen ti sekrè
M’ankadre manmiw , fanmi m pa nwiw, m renmen pitit ou tankou se pitit pa m
Renmen pou mwen se yonn pou lòt ,se ou k tout kèm pa bezwen lòt
Kom lang a dan mòde si gen pwoblèm yonn ta dwe padone lòt
Pa konn midi pa konn minwi , pa konn lèl cho pa konn fredi
Nan ou m jwenn amoni , nan pyew te vle mouri se sak renmen pou mwen »
Se konsa atis la fini premye verse la. Touswit nou jwenn refren an apre sa nou jwenn dezyèm verse la ki pale de menm bagay yo men ak lòt eksperyans , nan fason fi a tronpe l, ann prann kek Egzanp tankou :
« Kisak renmen pou ou eske se pase m nan betiz , fèm kwè w renmen m wap di sotiz ou menm gen santiman pou menm fanm
Kisak renmen pou ou eske se bay lajan pou fè bèbèl , fèm damouw pa menm fidèl nan baz lesbyèn wap fe makrèl
Kisak renmen pou ou eske se prezante nèg ou kòm kouzen w , menm parenn pitit ou a fè amizew ou bal jwe nan ti jwèt ou
E sak renmen pou ou mete foto m sou profil BBM ou pandan w ap cheke bredjenn Dyaspora pou transfè $10 »
Kiyès kap koute pawòl sa yo pou pa wè nan ki mizè moun kap viv istwa sa yo ye. Ou pa bezwen gen bon kè pou kèw touche w apre w fin tande pawòl sa yo, atis la kontinye pou l di sak renmen pou li konsa :
« Renmen pou mwen se premye fwa n te fè lanmou woowww mwen te tou damou malgre m pat dire sou ou , trò dous doudou »
Se pawol ki touche kè moun selman. Atis la fini verse la ak yon pawol ki vreman fè moun mal lè li di :
« Chak swa m nan tout club nan entansyon pou m wè siw byen, malgrew poste ak lòt neg ou kreve mwen , ou manke mwen , se sak renmen pou mwen »
Apre nou jwenn Mr Zomò ki rantre ak bridge li a konsa :
Mwen bouke tande tande w kap di lòt nèg je t’aime nan voicenote ou
Mwen bouke tande tande patnèm kap di ke yo jwe nan jwèt ou
Mwen bouke tande tande lòt fanm kap di key o se mennaj ou
Dim kisa m pat fè ki fè w janw ye aaaaaaaaaaaaaaaaaaaa
Touswit nou jwenn refren an apre sa nou jwenn Toppy ki di kèk pawol nan Outro a ki di konsa
Tout saw plante se li w ap rekolte
Kote k gen kou pa gen chennn
Gadon lanmou mesyeeeeeeeee (Ou trop pou mwen)
I will always love you mom
Se yon mizik ki gen anpil verite ak reyalite ladanl. Li pale de relasyon fi gen ak plizyè moun ak relasyon fi ak fi. Li pale de sakrifis yon moun ka fè lew renmen yo moun. Li pale de anpil fwa ou ka wè mennaj ou ap tronpew men lanmou pa bay chans pou w ta kite l. map envitew ou menm ki pot ko dekouvri l al fe sa koulye a sou https://dynastyhaiti.com/kisak-renmen-toppy-x-ft-mr-zomo/ se yon mizik ke tout moun ta dwe koute…….
