Pou premye fwa yon mizik pran mizik semenn nan de fwa yonn dèyè lòt .E mizik ki resi fè sa se Badman Zoepope. Badman Zopope se yon mizik ki nan kategori Egotrip ki se kategori kote moun plis pale de yo epi mete tèt yo an valè . Se yon mizik ki fèt avèk 2 verses plis refren . Peedy fè mizik la pou mete talan l en evidans tankou yon moun ki fò. Mizik la dire 3:40 . li pale de jan l vire nan Game nan ak jan moun genyen l sou zye. Li pale de pakou l nn rap e jan l fè aparisyon l nan rap. Se yon tèks ou jwenn selman rim rich e anpil « jeu de Mots ». Li mete an evidans tout nèg ki gen ti fizik kap fè yon bon travay.
Peedy komanse mizik la avek yon refren san repetisyon ki dire 8 bars ke touswit ke yon verse 12 bars komanse. Apre sa w jwenn yon refren ki dire 8 bars . touswit ou jwenn yon verse 16 bars ki konplete avek refren an ke li repete 2 fwa. Peedi Komanse 1e verse la ak yon rim miltisilabik ki telman sanble out e ka di se 2 omofòn :
« Lanmou m komanse pou rap a laj de 13 zan
E sesi m pat fèl pou kòb m te jis trouve kel plèzan
Mwen met may m travay an plen tan
E m fèl pandan ete otonn e menm nan prentan »
Li pat fasil pou jwenn yon tèks yon atis ki Underground nan Nivo sa nan tan ki sot pase yo. Sa pwouve ke jenerasyon kap vini la si nou ba yo direksyon yo ka pran yon lòt dimansyon. Se yon tèks ki gen anpil aliterasyon ak asonans ladan l ki se yonn nan fòs yon teks siw ta vle li epate moun vrèman nan fason lap touche zorèy moun nan. Atis la fini premye verse la avek yon bon exit flow :
“Map fè nonm, gon lè ke map selèb kon Burger King
Depi kik la mate konnen se Peedy pral bay kèk rim”
Touswit ou Jwenn refren an , ki di :
“I’m a badman Zoepope ( 4 Fwa)
I’m from the hood (3 Fwa)
I’m a badman Zoepope (3 Fwa)”
Apre sa atis la , kontinye nan dezyèm verse la pou l di:
“Match la bel
Koulyea m pi matchavèl
E si rap game ap byen Mennen se jis paske map mache avèl »
Lè w ap tande rim sa yo , yap dekotike yo wap jwenn anpil aliterasyon e ka menm panse se menm bagay atis la di . Se just pou m montre w ke tèks la bien travay. Nan 4 denye ba yo
”M toujou prè ou m Plè zorey public M pa nye sal dezire
Defwa m domi m reve map f**k Vanessa Desire
M pa still nèg kap di mo so Beat yo pa menm Sansire
Lew fè sa MC w malpròp met Slip ak B**daw san siye. »
Mizik sa chaje Bon pawol ki byen travay , Beat la pa tro mal li mache avek sans pawol yo . li pa troc ho pa tro frèt. Sèlman kek pawol ki yon ti jan deplase kif è anpil moun ka pa di se yon track ki preske pafè. Mwen renmen lè atis ki Undergroun yo ap fè efò konsa . sa pwouve ke mizik la ge la relèv Siw pa ko dekouvri mizik sa mwen envite w al fè sa koulyea paske se yon track ki vreman bon e atis ki gen anpil talan . Ankouraje li , al dekouvri Badman Zoepope https://dynastyhaiti.com/badman-zoepope-peedy/
