MafiaBlood (FFF: FUCK FAKE FRIENDS) se yon Mizik egotrip ke Dug G ansanm ak Bricks fè pou pale de tèt yo kòm 2 gwo poto mitan nan mouvman rap la ki soti nan 2 kan ki opoze ki se Mafia oubyen mouchwa nwa pou Dug G ki se ansyen rapè Rockfam Lame A ki se lidè Mouchwa nwa yo avèk Blood oubyen mouchwa wouj pou Bricks ki se rapè Barikad Crew ki se lidè Mouchwa Wouj yo oubyen Blood yo. Nap raple ke Se 2 CEO ki mete tèt yo ansanm tou pou fè mizik sa , CEO Piwo Records avèk CEO Shotta Records
Mizik sa konstwi sou 2 verses 16 bars ak yon refren. MafiaBlood komanse ak yon intro ke 2 neg yon fè ki komanse avèk tout yon chalè . epi touswit ou jwenn refren an ki di konsa:
“Mwen se Dug G Mafia avèk Bricks BC
Kilès sa Men vibe la avèk Mèt vil la
Si yon nèg bezwen bon rap ou mèt vin la
Pa gen kote pou ti rapè ap vin fè vi la » Dug G voice (2x)
Dug G komanse premye verse la ak yon bon atak , sou yon beat ke li trè alez :
« Mwen se Dug to the G, Chouchou Nèg la ri yo
Pa janm bouke bwase bon rap met nan la vi yo
Mwen nan zòn nan toutè met al di yo
Men map pase devan sak pi piti yo »
se konsa CEO Piwo a monte sou beat la avèk raj sou yon beat kote MC a pwouve yon lòt fwa ke li se yonn nan poto mitan nan mouvman sa. MK Beat fè yon travay anraje anba pati Dug G ki bay Dug G yon ezans ke anpil moun trè apresye. Break yo sou beat la pèmet Atis la jwe avèk Beat ka Pi fasil. Travay MK Beat a bon anpil la. Nan mitan verse la , Dug la reyafime pozisyon l nan Mouvman sa :
« Tout moun konn déjà kisa mwen ye déjà, Mafia
Pa bezwen Prezante nou konn kisa mwen fe déjà, Piwo »
Anpil moun renmen pati sa nan verse sa paske yo sa fè onè Mafia yo. Nan fen verse la Dug G, fe yon mechan « Jeu de Mots » avèk yon aliterasyon avek SWAGG e li moutre ke li toujou sou pik li lè l di :
« Si yon Moun ofri w sirèt pa mande l bak la
Si yon producer vle siyew li pa Dug G ebyen mande l Plak la » Dug G Voice
Aprè sa nou jwenn refren an dirèkteman deyè Dug G. Touswit nou jwenn Mèt vil la ki rantre ak yon flo trè awogan. Li komanse konsa
« Sa se Bricks BC Mèt City
Siw poko Konn sa Konnenw Fenk vini
Yea m se Nèg BPC, M son Bèt nan lyric
Soiw annafè avèm konnenw Fenk viktim » Bricks Voice ,
Se konsa Mouchwa wouj la komanse Verse pa li a. siw gade dispozisyon vè yo avèk kantite pye yo genyen wap wè se bon pwezi kap fèt la se pa pou san rezon yo rele rapè yo powèt lari. Li Kontinye nan mitan verse la pou l bannou yon lòt rim ki atire zorèy moun :
« Ou wè mwen san lajan pa gen geto m vle m pa pile sa
Ou mèt gwo toro kon pil k*k* map pile sa » .
CEO Shotta records la pwouve ke se lik gen sekrè nan rim Miltisilabik yo . li kontinye pou l di :
« Paske Street la M toujou ladan l
Zòn cho m gen kèk Badman
Lè bwa mare pou m jete m m vole tankou badman
Nan Street la m fete
Nèg kap radote
Lè bagay la rèd son bagay di ou we yap pete » Brick Voice
Aprè saw Jwenn Refren an ki moute apre sa mizik la fini
se yon track ke anpil moun konstate ke 2 MC yo fè san rankin e w santi yon bon vybe kap mache nan yon bout rap rèd.
Map ankouraje ou menm kip a ko dekouvri mizik sa al pran l sou https://dynastyhaiti.com/mafia-blood-fff-dug-g-ft-bricks/ epi pwofite pataje l bay zanmiw yo.
