“My Life” se yon mizik ke Ti Lunèt ekri epi chante pou gwoup 5 Etwal ke li menm se Maestro. Pou listwa nap di mizik sa se pa Ti Lunèt ki tap chante mizik sa se Berto Tempo ki se chantè aktyèl gwoup Bèl plezi ki tap chante l men se akoz ke li pat disponib Manadjè Gwoup 5 Etwal Ti Blan la te konseye Ti Lunèt chante l.
“My Life” konstwi ak yon verse de 32 bars nan komansman , answit ou jwenn 8 bars melodi instriman yo san vwa ki anchene ak yon Bridge ( Bredj) 8 bars ak yon koral 8 bars ki repete 2 fwa apre saw jwenn yon bon 12 bars melodi swav ki fini ak yon koral 8 bars akonpaye de yon bridge 8 bars. Mizik sa ki dire 6:05 kontrèman a sa anpil moun panse se pa yon istwa pèsonèl pou atis la men se istwa anpil moun ap viv. Li explike istwa yon moun ki fè tout sa l konnen pou l jwenn sa ki rele lanmou a men helas li pa janm ka jwenn li.
« Lavi m’ s’on turbulence
Toujou an dekadans
Jodi a kèm kontan
Men l pap dure lontan
Zanmi toujou trayim
Renmen toujou detwim
Lèm pansem jwenn moun nan
Se lè sa m fè erè » Ti Lunèt nan premye verse la
Se konsa chantè a komanse eksplike istwa a tout andan mizik la Ti Lunèt dekri anpil move fason li jwenn nan chache lanmou , mwen konnen ke se pa yon bagay ki fasil pou yon moun jwenn lanmou . atis la kontinye pou l di :
« Si se mwen menm ki gen yon defo
Pral fe efò pou m viv miyò
Mwen toujou ap fè moun plezi
Apre sa se mwen ki soufri
Mwen pa kè wè nan kenbe rancune
Paske pou mwen s’on gro lacune
Mwen toujou prè pou m padone
Olye pou mwen ta kondane » Ti Lunèt nan Bridge avan refren an kote ke nou we atis la tre sensè
Se yonn nan bagay ki atire anpil moun al koute mizik sa se senserite ki gen nan pawòl atis la ap chante yo. Nap raple mizik gen yon koral ki trè antrenan ke anpil moun renmen ki di konsa:
« Toujou bay kè mwen tout antye
Apre se mwen k toujou kriye
Fèm jemi m pè pou tout lavi m
Malgre sa mwen toujou viktim
Fè tout sam konnen pou m ere
Mwen toujou toujou malere
Mwen chita sou menm tab ak lanmou
Men nou pa janmen di bonjou »Pawòl koral la
Nap raple fòs mizik sa baze sou melodi ak pawòl ki touche kè ak lespri moun . se yon mizik ki fè pou montre malgre tout saw ka fè pou w jwenn sa yo rele lanmou a se se pa chans paw ou ka pa janm rive jwenn li . Mizik sa trè santimantal e li jwenn apresyasyon anpil moun depi le yo koute l nan preye fwa . Mizik sa gen anpil bel konsèy. Mwen envite ou menm ki pa gen chans tande mizik sa déjà malgre se yon siksè sou tout peyi a ak nan Dyaspora nou an al koute mizik sa sou lyen sa https://dynastyhaiti.com/my-life-ti-linet-5-etwal/ ou ka telechaje l gratis tou.
