PIC L’AS @PIC257 , Le Nouveau Protégé de Fred Hype @Fredhype

LEM AP EKRI PICDans une entrevue accordée à DynastyHaiti, le nouveau protégé de Fred Hype , PIC. L’auteur de ‘’Si rap te m tap“, “Lè map ekri” parle un peu de lui et de ses projets. Le jeune rappeur , n’a pas encore une popularité dans le R.A.P mais ses textes et sa façon de marteler les mots feront de lui une référence en matière de «Bout Rap Red» en Haiti dans les jours à venir.

Cool, sage et intelligent , PIC L’As pense qu’ il  apportera une nouvelle saveur dans  le RAP Ayisyen
Decouvrez qui il est vraiment et ses ambitions pour le rap game.

  1. DynastyHaiti: Sa kap fèt PIC, se yon plezi poun fè ti pale avèk ou jodia de projè w’ epi tou pwofite  di piblik la kiyès ou ye reyèlman ?

 PIC: Mèsi, se avèk anpil plezi nou pral fè sa la.  M’ap pwofite salye tout staff Dynastyhaiti.com nan kap fè yon travay pozitif nan mizik ayisyèn lan .
Kiyès mwen ye?
Guy Robert Jolicoeur se bon non mwen men non atis la se PIC L’As, mwen leve nan Petyon Vil m’ te komanse Rap depi a 13 zan. PIC, se yon MC, yon ekriven! Mwen soti nan lamas la tankou majorite jèn nan sosyete a men ki vin diferansye l’ e pwouve l’ gras a potansyalite ak talan ekriven granmèt la te dote li. Mwen te gen chans jwenn yon edikasyon kay Frè F.I.C yo nan primè (Jean Marie Guilloux) e yon bout nan etid segondè m’ “Institution St Louis de Gonzague” jiskaske sou wout la m’ fon zigzag  pou m’ rive la.

  1. DynastyHaiti: Pami tout tandans ki egziste poukisa se rap ou chwazi ?

PIC: M’ fè rap paske avan tou m’ renmen ekri, se tandans mizikal ki nan gou’m,nan sans mwen,e ki gen rapò ak mòd de vi’m nan, ki akronim ki fè m’ vizyalize bi’m yo (L.A.V.I) (Lite Ansanm Vyeyi Ini) !!! M’ chwazi fè rap depi lè m’ t chwazi lite, e m’ te wè mo yo fè plis enpak ke aksyon lèw anvi pale, anvi kapte atansyon yon ekip moun ki pa konnen w’ men kap pran tan tande w’ depiw di yo saw gen pouw di a ‘jan yo anvi tande’l la.
rap se idol jenès alèkile a, mwen chwazi RAP pou m’ fè wout ki pi kout la san fè rakousi.

  1. DynastyHaiti: PIC l’AS,poukisa yon non konsa?

PIC: Nan Non sa, w’ap jwenn plizyè apwòch

  • Non an isi de yon ‘verlan’ de ‘L’AS PIC’ (Ki se pi gwo zèl kat la)
  • De sonorite l’  PIC L’AS/// “PI KLAS”
  • De sig ki ede m’ vizyalize rèv mwen yo (Progression Intense de Capacité)
  • AK ideoloji PIC ki se somè a.

 

  1. DynastyHaiti: PIC gen yon modèl   osinon yon  gwoup w’ap swiv nan mouvman rap Kreyòl la,
    Si wi, pataje kèk ak nou?

    PIC: M’pa tap di, PIC gen moun  lap swiv, m’tap ka di PIC gen kèk moun li konn tande!
    Ki pa anpeche m’ bay respè ak sila yo ki te la anvan , ki fè m’ anvi swiv menm wout mouvman sa tankou, Izi one, BC, Rockfam, G Bobby, Mystic 703, Majick Click pou m’ site sa yo selman.

 

  1. DynastyHaiti: Sa pa gen lontan nou wè ou soti de mizik, ki sa yo anonse egzakteman?

          PIC: ‘Frestyle 101’ ak ‘Lem Ap Ekri’  se 2 single ki swiv SI RAP T…MTAP… pou anonse mixtape LAE a (Lèm Ap Ekri) ki ap soti Gratis ti cheri nan mwa Oktòb la pou tout moun ki renmen bon rap.

  1. Dynastyhaiti: Kiyes ki travay avè w’, ki fè beat pou ou ak edew sou pwen atistik ?

    PIC : Mwen gon staff solid ke m’ap tou pwofite okazyon sa pou m’ remèsye, ki konstitiye de chèf twoup  lan Fred Hype, Bozenks Beats, Wisan, Vallon Jimmy, CCYZ Compagny, MMix, Power Surge ak plizyè lòt moun kap sipote m’.

  2. DynastyHaiti: Anpil fwa yon moun ka gen talan pou chante men l’ pa ekri, eske se ou menm ki ekri tout téks ou yo?

PIC: Wi nòmalman se mwen ki ekri, aranje, ajiste, san neglije direksyon Fred ki toujou egzije “self challenge” lan pou ogmante nivo pa nou ak “Game” lan.

  1. DynastyHaiti: Se vre kew jèn anpil nan mouvman sa yo rele rap kreyòl lan, depi kèk lane anpil moun kap swiv mouvman sa panse nivo a bese osinon rap la anbès. Ki saw panse ou menm ?

    PIC: Efektivman m‘ tande lari a souvan ap di sa… Men nou pap fè komantè sou sa, n’ap kite menm lari a kontinye  bay opinion l’ apre Mixtape lan.

 

  1. DynastyHaiti: Pou konbyen tan  ou antre nan mouvman sa e kisa moun ki renmen mouvman sa spesyalman tout moun kap swiv DynastyHaiti yo ka atann yo de nouvo ne sa, siw pèmet mw dil konsa ?

    PIC: Rap se vi’m. M’ kwè a 101 pou san m’ ap nan mouvman an jiskaske nou apresye talanm “à sa juste valeur”, donk kòm dabitid … Jiskaskem mouri! E TOUT OTAN m la m’ pap pwomèt ni plis ni mwens… M’ap toujou ba nou le BRA (Bon Rap Ayisyen).

 

  1. DynastyHaiti: Rap se yon mouvman revolisyonè ki gen plizyè fas , kijan de rap ou chwazi fè( ganster, love, konsyan ou sosyal ki marande ak ansanm revandikasyon mas defavorize a)?

    PIC: Revolisyon an bò kote m’ kòmanse depi nan anvi ogmante level game nan ke m’ te di depi nan SI RAP T MTAP…. Men ak optik satisfè e mete m’ nan po tout moun, antanke “lyricist” , m’ mete m’ an mòd likid, ekri sou tout fòm  selon kondisyon yo men san kite reyalite a!
    “M’ekri poum bay lide mwen,

 

Nan lis lan pou m’ valide mwen

Kite mwen ekri poum ka pale nou de nou, de li ,de mwen”

Yon ti ekstrè nan LAE(Lèm Ap Ekri)
E se sak fè nou lanse ak yon mixtape, pou piblik la ka apresye varyasyon tèks, vibe ak ide ki degaje yo e jwenn “feedback” piblik lan pou’n kontinye ba yo sa yo vle a jan y’anvi tande l’ la.

  1. DynastyHaiti: Kijan moun yo pral gen chans wè w’ kap pèfome sou sèn, jis ak yon Dj oubyen y’ap gen chans jwenn Pic L`As  ak yon Group mizisyen deyè l’?

    PIC: Wi kèk fwa ak DJ e kèk fwa yap gen chans wè m’ ak yon band move ke n’ap fin monte!

  2. DynastyHaiti: Mèsi paske w te chwazi reponn ak envitasyon pou te reponn kesyon nou nan DynastyHaiti.com!
    Yon mesaj spesyal pou tout moun kap sipòte mouvman sa sou divès fom, se.kisal tap ye?

    PIC: Apre m’ fin salye fanatik ak sipotè m’, manmanm, fanmi kay ak fanmi lari m’ yo, apre yon mesaj lanmou ak lapè, Map pwopfite di nou aprann aprann ,anprann konprann!
    Gen anpil talan nan peyi a, kontinye apresye, pataje e woule mizik lokal (sitou BRA) pou mete mwen ak lòt frè mizisyen yo an valè anvan nou ale e ba’n anvi kontinye baw plezi pandan nou la!
    MESI AYITI
    MESI RAP KREYOL
    MESI DYNASTY

REDDD!!!

        A.Kevin
www.dynastyhaiti.com

Total 80 Votes
0

Tell us how can we improve this post?

+ = Verify Human or Spambot ?

Comments

comments


About us

C’est le site web de Dynasty Haïti Entertainment évoluant dans le secteur du divertissement avec des spécialités branchées sur la musique, le sport, le tourisme et toute autre chose relative avec la culture haïtienne avec seule exception la politique.


CONTACT US

CALL US ANYTIME



Latest posts



Newsletter


Categories



© Copyright July 2017 by Dynasty Haiti Entertainment. Designed by iBABDesign.


Total 80 Votes
0

Tell us how can we improve this post?

+ = Verify Human or Spambot ?

Comments

comments

X